У Вікіпедыі ёсць артыкулы пра іншых асоб з прозвішчам Прудэус. Юрый Пятровіч Прудэус (28 красавіка 1923, Белая Царква, Кіеўская вобласць — 1963) — беларускі архітэктар.
Удзельнік Вялікай Айчыннай вайны. Скончыў Кіеўскі дзяржаўны мастацкі інстытут у 1955 годзе. Працаваў у Белсельпраекце, з 1955 па 1959 г. — архітэктарам, старшым архітэктарам у Белдзіпрасельбудзе.
Член Саюза архітэктараў СССР з 1959 года.
Асноўныя працы: праекты планіроўкі і забудовы цэнтральных сядзібаў калгасаў імя Суворава Кобрынскага (1956), «Светлы шлях» Ганцавіцкага, «Світанак» Кіраўскага (1958), імя Дзяржынскага Ружанскага (1959) раёнаў, г.п. Іўе Гродзенскай вобласці (1958), музейны корпус з гасцініцай у запаведніку «Белавежская пушча» (1958, у аўтарскім калектыве).
Узнагароджаны медалямі.