У Вікіпедыі ёсць артыкулы пра іншых асоб з прозвішчам Сердзюкоў. Юрый Іванавіч Сердзюкоў (нар. 3 кастрычніка 1930, Ірбіт, Свярдлоўская вобласць) — беларускі архітэктар.
Скончыў Уральскі політэхнічны інстытут у 1954 годзе. Працаваў у праектных арганізацыях Свярдлоўска, у Мінскграмадзянпраекце, з 1980 года — галоўны спецыяліст аддзела экспертызы ў Белдзяржпраекце.
Член Саюза архітэктараў СССР з 1972 года. Пражываў у Мінску.
Асноўныя працы (у аўтарскім калектыве): Дом праектных арганізацый Дзяржбуда СССР у Свярдлоўску (1960-я гады), праект забудовы Жодзіна, Маладзечна, Салігорска (1970-я гады), рэстаран «Заслаўе» на Заслаўскім вадасховішчы (1974), 18-павярховы інжынерны корпус[d] ВА «Беларуськалій» у Салігорску (1980—1986).
Узнагароджаны сярэбраным медалём ВДНГ СССР.