Юрый Іванавіч Зяновіч (каля 1450 — пасля 1516) — дзяржаўны дзеяч Вялікага Княства Літоўскага
Прадстаўнік роду Зяновічаў герба «Дэшпат», сын Івана Зяноўевіча.
Намеснік браслаўскі (1494), смаленскі ў 1507—1508, магілёўскі з 1514, маршалак гаспадарскі (з 1516).
Валодаў Смаргонню, Паставамі, Глыбокім і іншымі маёнткамі.
Меў чатырох сыноў Мікалая, Юрыя, Міхаіла і Яна, якія памерлі маладымі і не займалі высокіх пасад. У 1522—1524 гадах першыя тры судзіліся з Радзівіламі за маентак Вапленае. У 1528 годзе ўдава Мікалая ставіла ў войска 30 коннікаў, Юрый — 11, Міхал — 28, Ян — 41. Ад Мікалая і Міхала пайшлі 2 найбольш значныя галіны Зяновічаў.