Эрык Фрэнцэль (ням.: Eric Frenzel; нар. 21 лістапада 1988, Анаберг-Бухгольц) — нямецкі дваяборац, алімпійскі чэмпіён 2014 года, прызёр Алімпійскіх гульняў 2010 года, пяціразовы чэмпіён свету, пяціразовы ўладальнік Кубка свету 2012/13, 2013/14, 2014/15, 2015/16 і 2016/17 гадоў. У Кубку свету Фрэнцэль дэбютаваў у 2007 годзе, у студзені 2008 года атрымаў сваю першую перамогу на этапе Кубка свету. Усяго на сённяшні момант мае 41 перамогу на этапах Кубка свету, у тым ліку восем у камандных спаборніцтвах. Адзіны ў гісторыі лыжнага дваяборства спартсмен, які выйграў 5 кубкаў свету ў агульным заліку.