У Вікіпедыі ёсць артыкулы пра іншых асоб з прозвішчам Брыль. Эрнэст Брыль (польск.: Ernest Bryll; нар. 1 сакавіка 1935) — польскі паэт, празаік, драматург, перакладчык, журналіст. Аўтар больш як трох дзясяткаў зборнікаў паэзіі, шматлікіх драмаў і тэкстаў песень. Прадстаўнік пакалення 1956 г., г.зв. пакалення часопіса «Współczesność», сябрам рэдкалегіі якога быў і праблемы якога выяўляў у сваёй паэзіі. Актыўна змагаўся з традыцыямі сарматызму і засцянковасці, але высока цаніў патрыятызм. Прыхільнік рамантызму, не цураўся пры гэтым сарказму і іроніі. Перакладае творы чэшскай і ірландскай літаратур.