У Вікіпедыі ёсць артыкулы пра іншых асоб з прозвішчам Святлова. Эліса Віктараўна Святлова (21 чэрвеня 1935, Мінск) — беларускі архітэктар.
Скончыла ў 1960 годзе Беларускі політэхнічны інстытут. У 1960—1967 гадах і з 1973 года ў інстытуце «Мінскпраект» (старшы архітэктар, намеснік начальніка майстэрні генплана). У 1967—1971 гадах архітэктар Кастрычніцкага раёна горада Мінска, у 1971—1973 гадах начальнік упраўлення планіроўкі Галоўнага архітэктурна-планіровачнага ўпраўлення Мінскага гарвыканкама.
Асноўныя работы: жылыя дамы па вуліцах А. Кашавога і Ульянаўскай (1968); генеральны план развіцця Мінска і праект планіроўкі яго прыгараднай зоны да 2000 г. (1982, у аўт. калектыве; прэмія СМ СССР 1985).