У Вікіпедыі ёсць артыкулы пра іншых асоб з прозвішчам Зверава.
Эліна Аляксандраўна Зверава; нар. 16 лістапада 1960, горад Далгапрудны, Маскоўская вобласць, СССР) — беларуская кідальніца дыска, алімпійская чэмпіёнка і двухразовая чэмпіёнка свету. Заслужаны майстар спорту Рэспублікі Беларусь (1995).
Асабісты рэкорд — 71,58 м — быў пастаўлены ў Пецярбургу 12 чэрвеня 1988 г.
Удзельніца 5 летніх Алімпіяд (1988, 1996, 2000, 2004 і 2008). Алімпійскай чэмпіёнкай Сіднея ў 2000 г. Зверава стала ва ўзросце 39 гадоў, а на Алімпіядзе ў Пекіне ў 2008 г. ва ўзросце 47 гадоў здолела заняць 6-е месца.
Напярэдадні 50-гадовага юбілею Эліна перамагла на чэмпіянаце Беларусі па лёгкай атлетыцы (Гродна, 2010) з вынікам 58,52 м[2].
Падпісала адкрыты ліст спартыўных дзеячаў краіны, якія выступаюць за дзеючую ўладу Беларусі пасля жорсткіх падаўленняў народных пратэстаў у 2020 годзе[3][4].