Эдуард Пятровіч Шавейка (нар. 15 чэрвеня 1935, Лагойск, Лагойскі раён) — Герой Сацыялістычнай Працы (1966).
З 1952 года працаваў памочнікам камбайнёра, камбайнёрам на Лагойскай МТС. З 1958 года — камбайнёр, начальнік рамонтных майстэрняў калгаса «Бальшавік» Лагойскага раёна.
У 1965 годзе сабраў на камбайне ў сярэднім з кожнага гектара па 25 цэнтнераў збожжавых, дабіўшыся найлепшага выніку ў Лагойскім раёне. Указам Прэзідыума Вярхоўнага Савета СССР ад 23 чэрвеня 1966 года ўганараваны званнем Героя Сацыялістычнай Працы з уручэннем ордэна Леніна і залатога медаля «Серп і Молат».
Выпускнік Мар’інагорскага сельскагаспадарчага тэхнікума (1974)[1].