Шэлефтээльвен (шведск.: Skellefte älv) — рака на поўначы Швецыі.
Даўжыня ракі 410 км, плошча басейна 11,6 тыс. км². Шэлефтээльвен бярэ пачатак з возера Ікес’яўрэ, побач з мяжой Швецыі і Нарвегіі, і працякае ў паўднёва-ўсходнім кірунку праз Норландскае пласкагор’е да Батнічнага заліва. У верхнім цячэнні маюцца вадаспады, парогі і шматлікія азёры.
На Шэлефце-Эльве знаходзіцца каскад з некалькіх ГЭС. Акрамя таго, рака ўяўляе цікавасць для воднага турызму. Побач з вусцем знаходзіцца марскі порт Шэлефтэа.