wd wp Пошук: ⬜

Шыладзюб

Шыладзюб (Recurvirostra avosetta) — птушка сямейства шыладзюбавых, чорна-белы буйны кулік, распаўсюджаны на спадзістых берагах вадаёмаў з салёнай або саланаватай вадой у Еўразіі, зрэдку ў Аўстраліі і Афрыцы. У Беларусі рэдкі, залётны від.

Даўжыня каля 43 см. Верх галавы і частка шыі чорныя, чорныя палосы на крылах. Дзюба доўгая і тонкая, загнутая ўверх, чорная. Гняздуецца ў маі-чэрвені, калоніямі да 200 пар, у глейкіх бухтах недалёка ад вады. Гняздо ўладкоўваецца ў невялікай земляной рытвінцы на пяску альбо сярод нізкарослай травы. У кладцы 3—5 яек вохрыстага з чорным крапам колеру. Сілкуецца пераважна воднымі беспазваночнымі, у тым ліку дробнымі рачкамі арцеміяй і казуркамі, якіх знаходзіць у вадзе або пласце глею.

Літаратура

Беларуская энцыклапедыя: У 18 т. Т. 18. Кн. 1.: Дадатак: Шчытнікі — ЯЯ / Рэдкал.: Г. П. Пашкоў і інш.. — Мн.: БелЭн, 2004. — Т. 18. — С. 10. — 472 с. — 10 000 экз. — ISBN 985-11-0295-4 (Т. 18. Кн. 1.).

Спасылкі

Recurvirostra avosetta Linnaeus, 1758 — Шилоклювка // Позвоночные животные Росии(недаступная спасылка)(руск.)