Шарль (Карл) Чарняўскі (фр.: Tcherniawsky Charles; 16 студзеня 1900, Бабруйск — 1976, Францыя) — французскі жывапісец, графік.
Каля 1920 г. пасяліўся ў Парыжы. Пісаў пейзажы, інтэр’еры і партрэты ў манеры Парыжскай школы. Выстаўляўся ў салонах: Восеньскім (1921, 1924—1927, 1932, 1944—1950, 1955—1970, з перапынкамі), Незалежных (1922, 1924, 1927, 1946), Цюільры, малюнкі і акварэлі. У 1921—1935 гг. правёў персанальныя выставы ў галерэях Druet, La Licorne, Quatre Chemins, Berthe Weill і Zak, удзельнічаў у групавых выставах. Працы прайграваліся ў «Beaux-Arts» і іншых французскіх выданнях.
У 1945 годзе ўдзельнічаў у выставе, арганізаванай камітэтам «Францыя—СССР» XIV акругі Парыжа, у 1961 годзе — у выставе «Рускія мастакі Парыжскай школы» ў Доме французскай думкі. Прадстаўлены ў Нацыянальным музеі сучаснага мастацтва ў Парыжы.