Амалія Шарлота Ілен пазней Олсен (швед. Amalie Charlotte Yhlen; 19 лістапада 1839 — 14 студзеня 1920) — першая жанчына-шведскі ўрач, якая скончыла універсітэт (праўда, за мяжой).
Шарлота Ілен была дачкой шаўца ў Хельсінгбаргу. Адзінай яе адукацыяй у Швецыі была пачатковая адукацыя. У Швецыі жанчынам яшчэ не было дазволена вучыцца ва ўніверсітэтах, калі яна эмігравала ў ЗША ў 1868 годзе. Аднак у Амерыцы яна вывучала медыцыну ў Жаночым медыцынскім каледжы Пенсільваніі, дзе ў 1873 годзе скончыла і стала ўрачом. Такім чынам, яна стала першай шведскай жанчынай, якая скончыла ўніверсітэт як урач, хаця Караліна Відэрстром была першай жанчынай, якая зрабіла гэта ў Швецыі.
Яна вярнулася ў Швецыю, дзе падала дакументы на медыцынскую практыку, але замежную ступень там не прынялі. Аднак універсітэты былі адкрыты для жанчын у Швецыі ў 1870 годзе, і яе прынялі студэнткай Упсальскага ўніверсітэта, але яна так і не пачала там вучыцца. У тым жа годзе яна была абрана першай жанчынай-дэлегатам на Паўночнай навуковай канферэнцыі ў Капенгагене.
Шарлота Ілен вярнулася ў ЗША, дзе працавала тэрапеўтам у жаночай бальніцы ў Філадэльфіі, а потым займалася ўласнай практыкай. У 1874 годзе яна выйшла замуж за нарвежскага інжынера Тыніуса Ольсэна. На пенсію выйшла ў 1889 годзе.