Шапялё́ўскі сельсавет — былая адміністрацыйна-тэрытарыяльная адзінка ў складзе Заслаўскага раёна Мінскай вобласці БССР. Цэнтр — вёска Шапялі.
Утвораны 20 жніўня 1924 года ў складзе Астрашыцка-Гарадоцкага раёна Мінскай акругі БССР. Цэнтр — вёска Шапялі. 29 кастрычніка 1924 года цэнтр сельсавета перанесены ў вёску Лысая Гара, сельсавет перайменаваны ў Лысагорскі сельсавет. 21 жніўня 1925 года цэнтр сельсавета вернуты ў вёску Шапялі, сельсавет перайменаваны ў Шапялёўскі. Пасля скасавання акруговай сістэмы 26 ліпеня 1930 года ў Астрашыцка-Гарадоцкім раёне БССР. З 18 студзеня 1931 года ў Заслаўскім раёне. З 20 лютага 1938 года ў складзе Мінскай вобласці. 16 ліпеня 1954 года скасаваны, тэрыторыя далучана да Гатовінскага сельсавета[1].