Чыянграй[5] (тайск. เชียงราย) — горад у паўночным Тайландзе, сталіца аднайменнай правінцыі. Насельніцтва — 136 тыс. чалавек. У горадзе жывуць таксама малыя народы акха, карэны, лісу, мяа. Чыянграй заснаваў у 1262 кароль Менграй на рацэ Кок на месцы паселішча народнасцяў лава і монаў, доўгі час горад быў сталіцай каралеўства Лана (Краіна мільёна рысавых палёў), якое пазней было заваяванае бірманцамі. За 10 км ад цэнтра горада размешчаны міжнародны аэрапорт.