Чырвонаслабо́дскае[2] — вадасховішча ў Мінскай вобласці Беларусі, у Клецкім, Капыльскім раёнах і на мяжы з Салігорскім раёнам.
Створана ў 1973 годзе на рацэ Морач (за 50 км ад яе вусця) у мэтах рэгулявання сцёку і воднага рэжыму прылеглых зямель, забеспячэння дзейнасці рыбакамбіната[2]. Плошча паверхні вадасховішча 23,6 км². Даўжыня 6,8 км, найбольшая шырыня 5,8 км, даўжыня берагавой лініі 22,6 км. Глыбіні да 5,5 м. Аб’ём вады — 69,5[3] млн м³. Катлавіна вадасховішча — затопленая частка поймы ракі Морач. Зарастае слаба.