Чжан Ітан ( кіт. спр. 张益唐 , піньінь: Zhāng Yìtáng; нар. 1955) — амерыканскі матэматык кітайскага паходжання, які працуе ў галіне тэорыі лікаў.
У 2013 годзе Чжан адправіў у часопіс «Annals of Mathematics» артыкул, у якім даказвалася, што існуе бесканечна многа пар паслядоўных простых лікаў з рознасцю[en] не больш за 70 мільёнаў[2]. Гэты доказ можа разглядацца як рашэнне аслабленага варыянта задачы аб простых ліках-блізнятах[en]. Артыкул Чжана прайшоў рэцэнзаванне і быў прыняты ў друк[3][4].
У 1978 годзе Чжан паступіў у Пекінскі ўніверсітэт і закончыў яго ў 1982-м, атрымаўшы ступень бакалаўра па матэматыцы. Пасля заканчэння магістратуры ў 1985 годзе Чжан паступіў у аспірантуру ўніверсітэта Пердзью. У снежні 1991 года ён абараніў дысертацыю на ступень доктара філасофіі[5].
Дысертацыя Чжана была прысвечана праблеме якабіяна[en]. Пасля заканчэння аспірантуры ў Чжана былі праблемы з пошукам працы ў навуковай сферы. Яму даводзілася працаваць бухгалтарам, у матэлях, у рэстаранах і г. д. У рэшце рэшт яму ўдалося атрымаць пасаду лектара ва ўніверсітэце Нью-Хэмпшыра[6]. У 2013 годзе ён быў узнагароджаны прэміяй Астроўскага[7], у 2014-м — преміяй Коўла па тэорыі лікаў[8][9], прэміяй Рольфа Шока па матэматыцы[10] і стаў лаўрэатам стыпендыі Мак-Артура[11]. Па стане на студзень 2014 года ён займае пасаду поўнага прафесара ва ўніверсітэце Нью-Хэмпшыра[12].