У паняцця ёсць і іншыя значэнні, гл. Чарнянскі сельсавет (значэнні).
Чарня́нскі сельсавет — адміністрацыйна-тэрытарыяльная адзінка ў складзе Маларыцкага раёна Брэсцкай вобласці. Цэнтр — аграгарадок (да 2010 г. вёска) Чарняны.
Утвораны 12 кастрычніка 1940 года ў складзе Дзівінскага раёна Брэсцкай вобласці БССР. 16 ліпеня 1954 года ў склад сельсавета з Азяцкага сельсавета Жабінкаўскага раёна перададзены вёскі Горы, Звозы, Лясавец, Субаты і Шарашоўцы[1]. З 8 жніўня 1959 года ў складзе Маларыцкага раёна. З 25 снежня 1962 года ў Кобрынскім раёне. У 1964 годзе ў склад сельсавета з Навасёлкаўскага сельсавета перададзена вёска Заор’е[2]. З 6 студзеня 1965 года сельсавет у складзе адноўленага Маларыцкага раёна.
Насельніцтва сельсавета паводле перапісу 2009 года — 1396 чалавек[3], з іх 89,7 % — беларусы, 7,3 % — украінцы[4].