Чармі́сца — возера ў Полацкім раёне Віцебскай вобласці ў басейне ракі Палата, за 36 км у напрамку на паўночны ўсход ад Полацка, за 3 км на поўнач ад вёскі Дрэтунь. Не мае паблізу ніякіх паселішчаў.
Плошча паверхні возера 0,22 км². Даўжыня 1,2 км, найбольшая шырыня 0,18 км. Даўжыня берагавой лініі 2,5 км. Плошча вадазбору 25,2 км².
Катлавіна возера моцна выцягнутая ў напрамку з поўначы на поўдзень. Схілы катлавіны невыразныя. Берагі забалочаныя. У паўднёвай частцы выцякае ручай у возера Дрэтунь.