Чаранко́ўскі лічы́льнік — дэтэктар зараджаных часціц, дзеянне якога заснавана на рэгістрацыі выпрамянення Чаранкова—Вавілава.
Складаецца з радыятара (рэчыва, у якім рухаецца часціца), аптычнай сістэмы для факусіроўкі святла і аднаго ці некалькіх фотаэлектронных памнажальнікаў, што ператвараюць светлавы сігнал у электрычны.
Выкарыстоўваецца ў ядзернай фізіцы і фізіцы часціц высокіх энергій.