Крысціна «Ціна» Вайратер (ням.: Tina Weirather; нар. 24 мая 1989, Вадуц) — ліхтэнштэйнская гарналыжніца, бронзавы прызёр зімовых Алімпійскіх гульняў 2018 года і сярэбраны прызёр чэмпіянату свету 2017 года ў супергіганце (адзіныя медалі для Ліхтэнштайна на Алімпійскіх гульнях і чэмпіянатах свету ў XXI стагоддзі), уладальніца двух малых Крыштальных глобусаў Кубка свету 2016/17 і 2017/18 у заліку супергіганта, пераможца 9 этапаў Кубка свету. Двухразовая чэмпіёнка свету сярод юніёраў.