Ці́мкавіцкае — вадасховішча ў Капыльскім раёне Мінскай вобласці Беларусі, паміж аграгарадком Цімкавічы, вёскай Агароднікі і вёскай Комсічы.
Вадасховішча створана ў 1975 годзе на рацэ Мажа. Плошча паверхні 0,75 (0,8[1]) км². Даўжыня 5,73[1] км, найбольшая шырыня 0,3 (0,28[1]) км. Даўжыня берагавой лініі 7[1] км. Найбольшая глыбіня 4,25 м, сярэдняя — 1,6[2] (1,65[1]) м. Аб’ём вады ў вадасховішчы 1,16 (1,2[1]) млн м³. Сярэдні сцёк складае 16,9 млн м³/год[2]. Ваганні ўзроўню вады на працягу года да 1,5 м. Вадасховішча зарастае ў вярхоўі.