Цэрыянтарыі (Ceriantharia) — атрад каралавых паліпаў з падкласа шасціпрамянёвых (Hexacorallia). Донныя стадыі жыццёвага цыкла вядуць рыючы спосаб жыцця ў друзлых грунтах, для харчавання выстаўляюць вонкі ротавы канец з шматлікімі шчупальцамі. Лічынкі цэрыянтарый — цэрынулы — падоўгу існуюць у планктоне, дзе вядуць драпежны спосаб жыцця. У цяперашні час апісана каля 100 відаў, многія з якіх вядомыя толькі па планктонных стадыях.