Целяшо́ўскае — вадасховішча ў Гомельскім раёне Гомельскай вобласці Беларусі ў басейне ракі Уза, за 2,5 км у напрамку на поўдзень ад вёскі Целяшы.
Вадасховішча наліўное. Створана ў 1973 годзе. Плошча паверхні 0,5 км². Даўжыня 0,95 км, шырыня 0,78 км, даўжыня земляной агараджальнай дамбы 2,9 км. Найбольшая глыбіня вадасховішча 4,1 м. Аб’ём вады 1,2 млн м³. Ваганні ўзроўню вады 2,1 м. Напаўняецца вадой з ракі Уза.