Хі́дрынскі сельсавет — адміністрацыйна-тэрытарыяльная адзінка ў складзе Кобрынскага раёна Брэсцкай вобласці. Цэнтр — аграгарадок (да 2008 г. вёска) Хідры.
Утвораны 12 кастрычніка 1940 года ў складзе Кобрынскага раёна Брэсцкай вобласці БССР. Цэнтр — вёска Хідры. 16 ліпеня 1954 года скасаваны, тэрыторыя ўвайшла ў склад новаўтворанага Пецькаўскага сельсавета[1], які 18 снежня 1972 года быў перайменаваны ў Хідрынскі сельсавет[2]. У 1973 годзе ў склад сельсавета з Навасёлкаўскага сельсавета перададзены вёскі Корчыцы Вялікія, Ляхчыцы і Навасадкі[3]. 26 красавіка 2012 года на тэрыторыі сельсавета ўтворана вёска Пескі 1[4].
Насельніцтва сельсавета паводле перапісу 2009 года — 4411 чалавек[5], з іх 86,9 % — беларусы, 10,5 % — украінцы, 3,8 % — рускія[6].