Хёнефас (нарв.: Hønefoss) — горад у лене Бускеруд, адміністрацыйны цэнтр камуны Рынгерыке, Нарвегія. Назву атрымаў ад аднайменнага вадаспаду на рацэ Бегна. Хёнефас атрымаў статус горада ў 1852 годзе. Да 1964 года Хёнефас з’яўляўся самастойным муніцыпалітэтам, але затым увайшоў у склад камуны Рынгерыке. У 2002 годзе горад адзначыў 150-годдзе. Аснову эканомікі горада складаюць некалькі фабрык, у тым ліку адна з найбуйнейшых у Еўропе фабрык па выпуску газетнай паперы Norske Skog Follum.