Хайке Габрыэла Дрэкслер (ням.: Heike Gabriela Drechsler, да замужжа Хайке Габрыэла Даўтэ, ням.: Heike Gabriela Daute; нар. 16 снежня 1965, Гера, ГДР) — нямецкая лёгкаатлетка, спецыялізавалася ў скачках у даўжыню і ў спрынце. Таксама выступала ў сямібор’і. Адна з наймацнейшых лёгкаатлетак у гісторыі спорту, у 1999 годзе была адной з прэтэндэнтак на званне найлепшай спартсменкі XX стагоддзя па версіі ІААФ.
Адзіная спартсменка, якой удалося заваяваць два залатыя медалі ў скачках у даўжыню на Алімпіядах (у 1992 і 2000 гг.) На Алімпіядзе 1988 года заваявала адразу тры медалі: «срэбра» у скачках у даўжыню і два бронзавыя медалі ў бегу на 100 і 200 метраў.