Фінляндская праваслаўная царква (фінск.: Suomen ortodoksinen kirkko) — аўтаномная праваслаўная царква ў юрысдыкцыі Канстанцінопальскага патрыярхату. Ахоплівае тэрыторыю Фінляндыі.
У 1892 годзе была ўтворана Фінляндска-Выбаргская епархія ў Вялікім княстве Фінляндскім, якое было часткай Рускай праваслаўнай царквы. 11 лютага 1921 года епархіі быў падараваны статус аўтаномнай царквы.
Царкоўна-ўрадавая фінская дэлегацыя, знаходзячыся ў Канстанцінопалі з 2 па 13 ліпеня 1923 года, звярнулася да Канстанцінопальскага патрыярхату з просьбай пра аўтакефалію. 6 ліпеня 1923 года быў падпісаны томас аб наданні аўтаноміі фінляндскай праваслаўнай царкве ў юрысдыкцыі Канстанцінопальскага патрыярхату[1].
Пасля савецка-фінскай вайны 1939—1940 гадоў і далучэння часткі Карэліі да Савецкага Саюза Фінляндская царква страціла каля 90 % сваёй уласнасці[2].