У Вікіпедыі ёсць артыкулы пра іншых асоб з прозвішчам Севасцьянаў. Фёдар Міхайлавіч Севасцья́наў[1] (нар. 21 сакавіка 1937, Данецк, Украіна) — беларускі спявак (бас). Заслужаны артыст БССР (1987).
Скончыў у 1968 годзе Беларускую кансерваторыю, клас М. А. Зюванава. У 1961—1962 гадах артыст Шахцёрскага ансамбля песні і танца. З 1968 года выкладчык Маладзечанскага музычнага вучылішча. З 1973 года саліст Беларускай філармоніі.
У рэпертуары беларускія, украінскія, рускія народныя песні, рамансы П. Булахава, А. Варламава, А. Даргамыжскага, М. Глінкі і інш., творы Ф. Шуберта, Р. Шумана і інш.