Фёдар Львовіч Варатынскі (? — пасля 1480) — сын Льва Раманавіча. Жанаты з дачкой князя Карыбута Марыяй, жыў у Вільне. З 1427 г. на службе ў вялікага князя літоўскага Вітаўта. 20 лютага 1442 г. як князь навасільскі і адоеўскі заключыў дагавор з Казімірам IV аб васалітэце ад імя ўсіх князёў Навасільскіх. З 1448 г. называецца па свайму радавому ўладанню князем Варатынскім. У 1448 г. быў пасрэднікам свайго зяця, мажайскага князя Івана Андрэевіча, калі той звярнуўся да Казіміра IV з просьбай пасадзейнічаць у заняцці маскоўскага стала. У лютым 1448 г. яму падараваны смаленскія воласці Гарадзечна, Кавылна, Дземяна і іншыя, а ў сакавіку 1455 г. Казімір IV пацвердзіў іх яму і яго дзецям «у вотчину». Дзякуючы шматлікім падараванням ўладанні Фёдара Львовіча значна павялічылася і цягнулася шырокай паласой уздоўж левага берага Акі і па рацэ Угры. Яму таксама аддадзены занятыя ВКЛ ў 1447 г. Казельск, а ў 1455 г. Перамышль.
Папярэднік: - |
Удзельны князь Варатынскі XV стагоддзе |
Пераемнік: Сямён Фёдаравіч Варатынскі |