wd wp Пошук: ⬜

Фундацыя імя Пётры Крэчэўскага

Фундацыя імя Пётры Крэчэўскага ў Нью-Ёрку — грамадская дабрачынная навукова-культурная арганізацыя беларускай эміграцыі ў ЗША. Мае ўласнае памяшканне ў Нью-Ёрку (Куінс), дзе сярод іншага размешчаны архіў і бібліятэка.

Гісторыя

Заснавана ў 1958 годзе. Першымі падпісчыкамі рэгістрацыйнага дакумэнту былі В. Тумаш, А. Адамовіч, К. Мерляк , В. Кажан і Наталля Арсеннева. У 1963 годзе фундацыя набыла жылыя дамы ў Нью-Ёрку, якія ў выніку іх здачы ў арэнду прыносяць фінансавы прыбытак, што выкарыстоўваецца на падтрымку дзейнасці Беларускага інстытута навукі і мастацтва, устаноў культуры, асобных даследчыкаў.

Фундацыя падтрымлівае вывучэнне беларускай спадчыны. Тут захоўваюцца архівы Я. Пятроўскага і Ю. Віцьбіча. Пры дапамозе фундацыі былі выдадзены шэраг навуковых кніг і ўспамінаў.

26 кастрычніка 2019 года ўрачыста адзначана 60-годдзе дзейнасці.[1][2]

Мэта

Ставіць сабе за мэту «ўтрымліваць у Злучаных Штатах Амерыкі беларускі культурны цэнтр, у якім будуць сабраны і захаваны гісторыя і традыцыі Беларусі».

Старшынямі Рады дырэктароў былі:

• Мікола Гарошка (1964—1979)
• Вітаўт Тумаш (1979—1982)
• Францішак Бартуль (1982—2005)

Працы, выдадзеныя пры падтрымцы Фундацыi

• А. Багровiч. Жыхарства Беларускае ССР у сьвятле перапісу 1959 г. Нью-Ёрк, 1962.
• Прыказкі Лагойшчыны / уклад. А. Варлыга. Нью-Ёрк; Мюнхен, 1966.
• Ю. Стукалич. Мы дойдём! Очерки, статьи, фельетоны. Нью-Йорк, 1975.
• Паўстаньне на Беларусі 1863 году: «Мужыцкая Праўда» й лісты «з-пад шыбеніцы» = The 1863 Uprising in Byelorussia: «Peasants Truth» and «Letters from beneath the Gallows»: тэксты й камэнтары Я. Запруднік і Т. Э. Бэрд. Нью-Ёрк, 1980.
• Янка Купала й Якуб Колас на Захадзе: бібліяграфія / уклад. В. і З. Кіпель. Нью-Ёрк, 1985.
• А. Бембель. Рэха малітвы: вершы зь Беларусі. Нью-Ёрк, 1988.
• Пяць стагоддзяў Скарыніяны, XVI―XX / апрацаваў В. Тумаш. Нью-Ёрк, 1989.
• Я. Запруднік. «Дванадцатка». Нью-Ёрк, 2002.
• З. Пазьняк. Развагі. Канцэпцыя новага беларускага Адраджэньня. Вiльня, 2007.

Зноскі

1. ↑ У Нью-Ёрку адсвяткавалі 60-я ўгодкі Фундацыі Крачэўскага(нявызн.), Наша Ніва (27.10.2019 08:42). Праверана 2 кастрычніка 2020.
2. ↑ Дудараў, Віктар. Беларусы Нью-Ёрка адзначылі юбілей Беларускай фундацыі Крачэўскага(нявызн.), Новы Час (27-10-2019). Праверана 2 кастрычніка 2020.

Літаратура

• Ляднёва, Анфіса. Фундацыя імя П. Крачэўскага // Энцыклапедыя гісторыі Беларусі. У 6 т. Т. 6. Кн. 2: Усвея — Яшын; Дадатак / Рэдкал.: Г. П. Пашкоў (галоўны рэд.) і інш.; Маст. Э. Э. Жакевіч. — Мн.: БелЭн, 2003. — С. 51—52. — 616 с.: іл. — 10 000 экз. — ISBN 985-11-0276-8.

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх
• Архівіст Фундацыі Крачэўскага Валянціна Трыгубовіч: Мяне натхняе старая мудрасьць: помнім мы — не забудуць і нас
• Відэарэпартаж пра Беларускую фундацыю Крачэўскага

Тэмы гэтай старонкі (4):
Катэгорыя·Старонкі з няправільным сінтаксісам спасылак на крыніцы
Катэгорыя·Арганізацыі беларусаў ЗША
Катэгорыя·Арганізацыі, заснаваныя ў 1959 годзе
Катэгорыя·Арганізацыі паводле алфавіта