У Вікіпедыі ёсць артыкулы пра іншых асоб з прозвішчам Паўэрс. Фрэ́нсіс Гэ́ры Па́ўэрс (англ.: Francis Gary Powers; 17 жніўня 1929 — 1 жніўня 1977) — амерыканскі лётчык, які выконваў разведвальныя місіі для ЦРУ.
Пілатуемы Паўэрсам самалёт-шпіён «U-2» быў збіты падчас палёту пад Свярдлоўскам 1 мая 1960 года. Паўэрс выжыў, быў асуджаны савецкім судом за шпіянаж да 10 гадоў пазбаўлення волі, але пазней яго абмянялі на савецкага разведчыка Рудольфа Абеля, выкрытага ў ЗША.