Фама, таксама Тамаш альбо Томас (англ.: Thomas ад арамейскага «блізнюк») — мужчынскае імя. У хрысціянскім імёнаслове імя Фама (Тамаш) суадносіцца перш за ўсё з апосталам Фамой. Акрамя яго, з раннехрысціянскіх святых у святцах згадваецца свяціцель Фама (Тамаш), патрыярх Канстантынопальскі, і некалькі святых, біяграфічных звестак аб якіх не захавалася, акрамя даты памінання.