ФК Інтэрнасьянал
«Інтэрнасьянал» (парт.: Internacional) — бразільскі футбольны клуб з горада Порту-Алегры. Заснаваны ў 1909 годзе. Клуб мае каманды ў шэрагу відаў спорту, як найбольш вядомай з’яўляецца футбольная каманда. Традыцыйнымі для клуба чырвоныя кашулі і белыя трусы і шкарпэткі, з-за чаго каманда мае мянушку «Каларада», што азначае — «чырвоны». «Інтэрнасьянал» мае лакальнае дэрбі з іншым клубам з Порту-Алегры «Грэміу».
У 2006 годзе «Інтэрнасьянал» упершыню ў сваёй гісторыі стаў уладальнікам Кубка Лібертадорэс. У снежні таго ж года «Інтэр» атрымаў перамогу ў клубным чэмпіянаце свету ФІФА, абыграўшы ў фінале пераможцу еўрапейскай Лігі чэмпіёнаў іспанскую «Барселону». У 2007 годзе каманда стала пераможцам Рэкопы Паўднёвай Амерыкі, аказаўшыся мацней за мексіканскую «Пачуку». У 2008 годзе «Інтэрнасьянал» першым сярод бразільскіх клубаў заваяваў Паўднёваамерыканскі кубак, другі па значнасці турнір кантыненту. Такім чынам, клуб стаў уладальнікам усіх існых на сёння міжнародных трафеяў паўднёваамерыканскага футболу. У 2010 годзе клуб у другі раз у сваёй гісторыі стаў уладальнікам Кубка Лібертадорэс.
Гісторыя
Фундатарамі клуба лічацца нашчадкі італьянскіх эмігрантаў браты Энрыке, Жазэ і Луіс Попэ. У 1901 годзе яны пераехалі з Сан-Паўлу ў Порту-Алегры, аднак не здолелі знайсці клуб, за які бы маглі выступаць. На той час у горадзе існавала толькі два футбольныя клубы, аднак абодва клубы былі прыватнімі, і ў іх выступалі толькі ігракі з нямецкім паходжаннем. У 1909 годзе браты Попэ запрасілі групу студэнтаў і іншых зацікаўленых людзей на пасяджэнне 4 красавіка 1909 года з мэтай стварэння новага футбольнага клуба, які атрымаў назву «Інтэрнасьянал».
Больш за 40 чалавек прагаласавалі на назву «Інтэрнасьянал», што тычыцца дактрыны клуба, які быў створаны для ўсіх незалежна ад паходжання, нацыянапльнасці і сацыяльнага статусу.
Трэніроўкі ў новым клубе пачаліся ўжо ў красавіку, аднак спарынг-матчы праходзілі ў асноўным толькі ўнутры самой каманды. Першай пляцоўкай «Інтэрнасьяналу» стаў раён Ільёта на Руа-Арлінда ў заходняй частцы гораду. Характэрна, што гэтая плошча ў раёне Азення цяпер знаходзіцца бліжэй да стадыёна «Грэміу», чым да арэны Бейра-Рыу, якая размяшчаецца на ўзбярэжжы заліву Гуаіба на некалькі кварталаў далей, на паўднёва-захад, чым арэна «трохкаляровых».
18 ліпеня «Інтэр» правёў свой першы матч супраць клуба «Грэміу» на іх пляцоўцы. «Інтэрнасьянал» трываў паражэнне з вынікам 10:0. Другі ж матч, які праёшоў 7 верасня, склаўся куды больш удала: «Інтэр» згуляў унічыю 0:0 з адной з лепшых каманд гораду «Ваенным футбольным клубам» (парт.: Militar Football Club). Першую перамогу і першы гол у гісторыі клуб адсвяткаваў 12 кастрычніка 1909 года, абыграўшы ўсё той жа «Ваенны футбольны клуб» з лікам 2:1.
Дасягненні
1975, 1976, 1979
1992
1927, 1934, 1940, 1941, 1942, 1943, 1944, 1945, 1947, 1947, 1948, 1950, 1951, 1952, 1953, 1955, 1961, 1969, 1970, 1971, 1972, 1973, 1974, 1975, 1976, 1978, 1981, 1982, 1983, 1984, 1991, 1992, 1994, 1997, 2002, 2003, 2004, 2005, 2008, 2009 2011, 2012, 2013, 2014, 2015, 2016
2006
2006, 2010
2008
2007, 2011 Спасылкі
- Афіцыйны сайт клуба (парт.) (англ.) (ісп.) (італ.) (яп.)
- Афіцыйная крама клуба (парт.)
- Афіцыйны мультымедыйны сайт «Інтэрнасьянала» Архівавана 15 студзеня 2016. (парт.)
- Клубнае тэлебачанне Архівавана 14 снежня 2009. (парт.)
- Афіцыйны сайт, прысвечаны 100-годдзю «Інтэра» Архівавана 30 снежня 2018. (парт.)
- Nacao Colorada — адзін з найбуйнейшых сайтаў заўзятараў (парт.)
- Неафіцыйны сайт клуба (парт.)
Папярэднік: Сан-Паўлу |
Кубак Лібертадорэс 2006 Фіналіст: Сан-Паўлу |
Пераемнік: Бока Хуніярс
|
| Папярэднік: Арсенал Сарандзі |
Паўднёваамерыканскі кубак 2008 Фіналіст: Эстудыянтэс |
Пераемнік: ЛДУ Кіта
|
| Папярэднік: Эстудыянтэс |
Кубак Лібертадорэс 2010 Фіналіст:  Гвадалахара |
Пераемнік: Сантус
|
Катэгорыя·Вікіпедыя·Артыкулы з пераазначэннем значэння з Вікідадзеных
Катэгорыя·ФК Інтэрнасьянал
Катэгорыя·Футбольныя клубы паводле алфавіта
Катэгорыя·Футбольныя клубы Бразіліі
Катэгорыя·Футбольныя клубы, заснаваныя ў 1909 годзе