«У Швейцарыі» (польск.: W Szwajcarii) — любоўная паэма, напісаная Юльюшам Славацкім у 1835—1838-я гады. Выдадзеная ў 1839 годзе ў Парыжы ў томе «Тры паэмы».
Рэпрэзентуе плынь экзістэнцыянальнай паэзіі ў творчасці Славацкага. Выдадзеная была самастойна супраць волі Славацкага. У другой палове XIX ст. паэма была вельмі папулярнай, да сённяшняга дня была некалькі разоў тэатральна адаптаваная. Была ілюстравана Войцехам Герсонам. Тэмай паэмы з’яўляецца любоўнае расчараванне лірычнага героя. Аўтар злучае 2 стылі: сентыментальны (успамін пра каханне) і сумны (боль, разважанне), характэрны для сталага рамантызму.
На беларускую мову паэму “У Швейцарыі” пераклаў Максім Танк (1959).