Уільям Добсан (англ.: William Dobson; 1611 — 1646) — англійскі жывапісец эпохі барока. Вучань нямецкага мастака Франца Клейна. Добсан меў магчымасць пазнаёміцца з каралеўскімі калекцыямі жывапісу. Яго партрэтнае мастацтва адзначана ўплывам Ван Дэйка, разам з якім ён працаваў з 1635 года. Пасля смерці Ван Дэйка Добсан зрабіўся прыдворным жывапісцам і пісаў партрэты членаў каралеўскай сям’і і старшых афіцэраў арміі. У сваіх партрэтах ён звычайна размяшчаў мадэлі на першым плане, адасабляючы іх ад асноўнай прасторы карціны.