Уорэн Эдвард Бафет (англ.: Warren Edward Buffett [ˈbʌfɨt]; 30 жніўня 1930, Омаха, штат Небраска, ЗША) — найбуйнейшы ў свеце і адзін з найбольш вядомых інвестараў, стан якога на 2012 год ацэньваецца ў 44 млрд долараў ЗША. Ён лічыцца адным з самых багатых людзей у свеце і другім па памеры стану жыхаром ЗША. Вядомы пад мянушкай Аракул з Амахі (анг. Oracle of Omaha).
Адзін з найбуйнейшых дабрачынцаў у гісторыі чалавецтва: у чэрвені 2010 года аб’явіў аб бязвыплатнай перадачы свайго багацця, што на той момант было каля 37 млрд долараў, пяці дабрачынным фондам.