Універсітэт імя Роберта Гордана
Універсітэт імя Роберта Гордана (англ.: Robert Gordon University) — брытанская дзяржаўная вышэйшая навучальная ўстанова са статусам універсітэта з сядзібай у горадзе Абердзін у Шатландыі.
Агульная характарыстыка
Універсітэт імя Роберта Гордана стаў універсітэтам у 1992 годзе і ўзнік з навучальнай установы, заснаванай у XVIII стагоддзі Робертам Горданам, заможным купцом з Абердзіна, і розных устаноў, якія забяспечвалі адукацыю дарослых і тэхнічную адукацыю ў ХІХ і пачатку ХХ стагоддзяў. Гэта адзін з двух універсітэтаў у горадзе.
Універсітэт прысуджае ступені ў шырокім дыяпазоне дысцыплін ад бакалаўра да доктара, у першую чаргу ў прафесійных, тэхнічных, медыцынскіх і мастацкіх дысцыплінах і тых, якія найбольш прыдатныя для бізнесу і прамысловасці. Таксама прапануецца шэраг традыцыйных навучальных праграм, напрыклад, у галіне сацыяльных навук. Акрамя таго, выкладчыкі і навуковыя супрацоўнікі ўніверсітэта займаюцца даследаваннямі па шэрагу напрамкаў.
Зноскі
Спасылкі
На Вікісховішчы ёсць медыяфайлы па тэме Універсітэт імя Роберта Гордана- Афіцыйная інтэрнэт-старонка ўстановы
Катэгорыя·Вікіпедыя·Артыкулы з пераазначэннем значэння з Вікідадзеных
Катэгорыя·Абердзін
Катэгорыя·Вікіпедыя·Навучальныя ўстановы без геаграфічных каардынат
Катэгорыя·Навучальныя ўстановы, заснаваныя ў 1992 годзе
Катэгорыя·Універсітэты Вялікабрытаніі
Катэгорыя·Універсітэты паводле алфавіта