Улу́каўскі сельсавет — адміністрацыйна-тэрытарыяльная адзінка ў складзе Гомельскага раёна Гомельскай вобласці. Цэнтр — аграгарадок (да 2009 г. вёска) Улукаўе.
Пасля другога ўзбуйнення БССР з 8 снежня 1926 года сельсавет у складзе Гомельскага раёна Гомельскай акругі БССР. 30 снежня 1927 года сельсавет узбуйнены, у яго склад увайшла тэрыторыя скасаванага Галавінскага сельсавета. Пасля скасавання акруговай сістэмы 26 ліпеня 1930 года ў Гомельскім раёне БССР. З 10 лютага 1931 года ў межах гарадской рысы горада Гомеля. З 27 ліпеня 1937 года ў складзе Гомельскага раёна, з 20 лютага 1938 года — Гомельскай вобласці. 7 кастрычніка 1957 года ў склад горада Гомеля ўключана вёска Якубаўка і пасёлак імя Чапаева[1]. 23 мая 1959 года да сельсавета далучана тэрыторыя скасаванага Раманавіцкага сельсавета. 1 сакавіка 2010 года ў склад горада Гомеля ўключаны пасёлак Чырвоны Маяк[2].
Насельніцтва сельсавета паводле перапісу 2009 года — 9377 чалавек[3], з іх 92,2 % — беларусы, 5,5 % — рускія, 1,6 % — украінцы[4].