У Вікіпедыі ёсць артыкулы пра іншых асоб з прозвішчам Бекіш.
Уладзіслаў Янавіч Бекіш (нар. 23 ліпеня 1973, Мінск) — беларускі ўрач-паразітолаг, генетык. Доктар медыцынскіх навук (2005), прафесар (2007).
Скончыў Віцебскі дзяржаўны медыцынскі ўніверсітэт (спецыяльнасць «Лячэбная справа», 1996; аспірантура, спецыяльнасць «Паразіталогія», 1999; дактарантура, 2004), Акадэмію кіравання пры Прэзідэнце Рэспублікі Беларусь (спецыяльнасць «Дзяржаўнае кіраванне сацыяльнай сферай», 2018).
Працуе ў Віцебскім дзяржаўным медыцынскім універсітэце (з 1999, лячэбны факультэт, кафедра медыцынскай біялогіі і агульнай генетыкі, прафесар, з 2010 — загадчык кафедры).
Навуковыя інтарэсы: паразіталогія, гельмінталогія; мутацыйная зменлівасць, біялагічныя мутагены; выкладанне медыцынскай біялогіі і агульнай генетыкі ў вышэйшай школе.