Уладзіслаў Мікалаевіч Кадзіра (укр.: Владислав Миколайович Кадира; нар. 30 жніўня 1979) — беларускі гісторык. Кандыдат гістарычных навук, дацэнт.
Нарадзіўся ў Камінь-Кашырскім раёне Валынскай вобласці Украіны ў сям’і служачых. У 2001 годзе скончыў з адзнакай Валынскі дзяржаўны ўніверсітэт імя Лесі Украінкі[1]. У 2006 годзе скончыў аспірантуру БДПУ імя Максіма Танка. З 2003 года працаваў выкладчыкам, дацэнтам кафедры новай і навейшай гісторыі БДПУ. З 2010 па лістапад 2019 года — намеснік дэкана па вучэбнай рабоце гістарычнага факультэта.
З 2020 года дэкан гуманітарнага факультэта Інстытута сучасных ведаў імя А. М. Шырокава.
Сфера навуковых інтарэсаў — антыфеадальны рух і казацтва на Беларусі, палітычнае і сацыяльна-эканамічнае развіцце Беларусі в другой палове XVI — першай трэці XVII ст.
Вучоны сакратар праблемнага савета па гістарычных навуках БДПУ па экспертызе дысертацый; старшыня навукова-метадычнага савета гістарычнага факультэта.
Аўтар звыш за 60 навуковых публікацый.