У Вікіпедыі ёсць артыкулы пра іншых асоб з прозвішчам Траццяк.
Уладзіслаў Аляксандравіч Траццяк (нар. 25 красавіка 1952, с. Арудзьева, Дзмітраўскі раён, Маскоўская вобласць, РСФСР, СССР) — выбітны савецкі хакеіст, брамнік.
У перыяд з 1969 па 1984 гады абараняў вароты ЦСКА і зборнай Савецкага Саюза. У матчах чэмпіянату СССР згуляў 482 матчы, на чэмпіянатах свету і Алімпійскіх Гульнях — 117 гульняў. У турнірах Кубка Канады — 11 матчаў.
Са снежня 2003 года — дэпутат Дзяржаўнай думы РФ чацвёртага склікання. З 2006 года — прэзідэнт Федэрацыі хакея Расіі. Палкоўнік запасу УС РФ.