wd wp Пошук: ⬜

Уладзімір Уладзіміравіч Камінскі

У Вікіпедыі ёсць артыкулы пра іншых асоб з прозвішчам Камінскі.

Уладзімір Уладзіміравіч Камінскі (18 красавіка 1950, в. Цна, Мінскі раён, Мінская вобласць, БССР, СССР) — беларускі велагоншчык. Заслужаны майстар спорту СССР (1976). Кандыдат педагагічных навук (1992).

Біяграфія

Нарадзіўся ў в. Цна Мінскага раёна. Быў трэцім сынам у сям’і, старэйшыя браты — Леанід і Анатоль — таксама займаліся веласпортам. Вучыўся ў Дубаўлянскай сярэдняй школе, якая знаходзілася ў двух кіламетрах ад роднай вёскі.

Скончыў у 1980 годзе Беларускі інстытут фізічнай культуры. Алімпійскі чэмпіён Летняй алімпіяды 1976 года ў Манрэалі (Канада) у каманднай шашэйнай гонцы на 100 км; чэмпіён свету (1977, Сан-Крыстобаль, Венесуэла); сярэбраны прызёр чэмпіянатаў свету (1974, г. Манрэаль, Канада; 1975, г. Метэ, Бельгія; 1978, г. Кёльн, ФРГ), чэмпіён СССР (1976—1978, 1980) у каманднай шашэйнай гонцы на 100 км. З 1980 года ў Акадэміі фізічнага выхавання і спорту. З 1996 года галоўны трэнер нацыянальнай каманды Беларусі па веласпорце.

Зноскі

Літаратура

Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 1998. — Т. 7: Застаўка — Кантата. — 604 с. — 10 000 экз. — ISBN 985-11-0130-3 (т. 7), ISBN 985-11-0035-8.
Каминский Владимир Владимирович // Республика Беларусь : энциклопедия : [в 7 т.]. — Минск, 2006. — Т. 3. — С. 862.
Каминский Владимир Владимирович // Минская область : энциклопедия : [в 2 т.]. — Минск, 2007. — Т. 2. — С. 138.
Каминский Владимир Владимирович // Спортивная энциклопедия Беларуси. — Минск, 2005. — С. 213—214.

Спасылкі

Біяграфія на сайце Нацыянальнага алімпійскага камітэта Рэспублікі Беларусь. Архівавана 22 сакавіка 2016.