У Вікіпедыі ёсць артыкулы пра іншых асоб з прозвішчам Бажэнаў.
Уладзімір Сцяпанавіч Бажэнаў (10 сакавіка 1917, г. Гомель — 5 лютага 1968) — беларускі ўрач-хірург. Доктар медыцынскіх навук (1967), прафесар (1968). Удзельнік Вялікай Айчыннай вайны.
Скончыў Куйбышаўскую ваенна-медыцынскую акадэмію (паскораны курс, кваліфікацыя «Заўрад-урач», 1941), Віцебскі дзяржаўны медыцынскі інстытут (1949).
Працаваў у Віцебскім дзяржаўным медыцынскім інстытуце (з 1953, у 1954—1956 — асістэнт кафедры факультэцкай хірургіі, з 1956 — кафедры шпітальнай хірургіі, з 1965 — загадчык кафедры), адначасова ў Віцебскай абласной процітуберкулёзнай бальніцы (1951—1957, загадчык хірургічнага аддзялення).
Навуковыя інтарэсы: даследаванне электрычнай стымуляцыі сэрца пры поўнай атрыявентрыкулярнай блакадзе; хірургічнае лячэнне туберкулезу лёгкіх.