wd wp Пошук: ⬜

Уладзімір Станіслававіч Агрызка

У Вікіпедыі ёсць артыкулы пра іншых асоб з прозвішчам Агрызка. .mw-parser-output .ts-wikidata-positions-uppercasefirst a,.mw-parser-output .ts-wikidata-positions-uppercasefirst span.iw{display:inline-block}.mw-parser-output .ts-wikidata-positions-uppercasefirst a::first-letter,.mw-parser-output .ts-wikidata-positions-uppercasefirst span.iw::first-letter{text-transform:capitalize}

Уладзімір Станіслававіч Агрызка (1 красавіка 1956, Кіеў, УССР) — украінскі палітык і дыпламат, Міністр замежных спраў Украіны (2007—2009).

Біяграфія

Скончыў факультэт міжнародных адносін і міжнароднага права Кіеўскага дзяржаўнага ўніверсітэта імя Тараса Шаўчэнкі па спецыяльнасці «рэфэрент-перакладчык з нямецкай мовы» (1978). Кандыдат гістарычных навук, валодае нямецкай і англійскай мовамі.

З 1978 — аташэ аддзела прэсы Міністэрства замежных спраў (МЗС) УССР.
З 1980 — 3-і сакратар гэтага аддзела.
З 1981 служыў ва Узброеных сілах СССР.
З 1983 — ізноў 3-і сакратар аддзела прэсы МЗС.
З 1985 — 2-і сакратар гэтага аддзела.
З 1988 — 1-ы сакратар аддзела галоўнага дарадніка МЗС УССР.
У 1991 — дараднік гэтага аддзела.
З 1991 — дараднік аддзела палітычнага аналізу і каардынацыі МЗС Украіны.
З 1992 — дараднік — выканаўца абавязкаў дарадніка-пасланца пасольства Украіны ў Германіі.
З 1993 — дараднік-пасланец пасольства Украіны ў Аўстрыі.
З 1994 — дараднік-пасланец пасольства Украіны ў Германіі.
З 1996 — кіраўнік праўлення знешняй палітыкі Адміністрацыі прэзідэнта Украіны Леаніда Кучмы.
З 1999 — пасол Украіны ў Аўстрыі і сталы прадстаўнік Украіны пры міжнародных арганізацыях у Вене.
З 2004 — пасол па адмысловых даручэннях МЗС Украіны.
З лютага 2005 — першы намеснік міністра замежных спраў Барыса Тарасюка. Лічыцца яго аднадумцам, прыхільнікам празаходняга знешнепалітычнага курсу.

30 студзеня 2007, пасля адстаўкі Тарасюка, Уладзімір Агрызка быў прызначаны часовым выканаўцам абавязкаў главы МЗСа. Вярхоўная Рада двойчы адхіляла яго кандыдатуру на пост міністра, занесеную прэзідэнтам Віктарам Юшчанка: 22 лютага Агрызка падтрымалі 196 дэпутатаў, 20 сакавіка — 195 дэпутатаў пры неабходных 226. Па паведамленнях СМІ, кандыдатура Агрызка выклікала негатыўнае стаўленне ва ўладаў Расіі, а расійскі палітолаг Сяргей Маркаў заявіў у студзені 2007 г., што «Уладзімір Агрызка ненавідзіць Расію і расіян». Пасля прызначэння міністрам Арсенія Яцанюка Агрызка застаўся яго першым намеснікам.

З 18 снежня 2007 г. па 3 сакавіка 2009 г. — міністр замежных спраў Украіны ва ўрадзе Юліі Цімашэнкі.

Зноскі