Уладзі́мір Рыго́равіч Цалко́ (нар. 18 снежня 1952, в. Скалодзін Мазырскага раёна, Гомельская вобласць БССР) — беларускі дзяржаўны дзеяч, былы міністр прыродных рэсурсаў і аховы навакольнага асяроддзя Рэспублікі Беларусь (2009—2014).
Уладзімір Цалко нарадзіўся ў 1952 годзе ў вёсцы Скалодзін Мазырскага раёна Гомельскай вобласці.
У 1972 годзе скончыў Мазырскі палітэхнікум.
1974—1975 — майстар завода «Мазыркабель».
1975—1986 — на розных пасадах у сістэме «Мазырсельбуда».
У 1981 годзе скончыў Беларускі дзяржаўны інстытут народнай гаспадаркі імя В. У. Куйбышава.
1986—1989 — кіраўнік Мазырскага райвыканкама.
1993—2000 — намеснік старшыні Гомельскага аблвыканкама.
2000—2007 — старшыня Камітэта па праблемах наступстваў катастрофы на Чарнобыльскай АЭС (Дзяржкамчарнобыль).
2007—2009 — намеснік міністра па надзвычайных сітуацыях.
26 чэрвеня 2009 годзе прызначаны міністрам прыродных рэсурсаў і аховы навакольнага асяроддзя Беларусі.
27 снежня 2014 быў вызвалены ад пасады міністра ў сувязі з пераходам на іншую работу[1].
Узнагароджаны ордэнам Пашаны і медалем «За працоўныя заслугі».