У Вікіпедыі ёсць артыкулы пра іншых асоб з прозвішчам Фёдараў. Уладзімір Паўлавіч Фёдараў (26 мая 1912, Пецярбург — ?) — беларускі і расійскі архітэктар.
Скончыў Ленінградскі будаўнічы інстытут у 1936 годзе. Працаваў у праектных арганізацыях Саратава, Ульянаўска, Калугі, з 1965 года — галоўны архітэктар Магілёўскага філіяла Белкалгаспраекта.
Член Саюза архітэктараў СССР з 1936 года. Член КПСС з 1943 года. Пражываў у г. Магілёў.
Асноўныя працы: планіроўка г. Энгельса (1940, у аўтарскім калектыве), калгасаў «XVIII парт-з’езд» Быхаўскага, «Авангард» Асіповіцкага раёнаў Магілёўскай вобласці (1965—1970), будынак МДБ (1946), жылы дом у Заволжы (1943—1945) ва Ульянаўску, галоўная плошча ў Калузе (1955, сааўтар).