У Вікіпедыі ёсць артыкулы пра іншых асоб з прозвішчам Правалінскі. Уладзімір Міхайлавіч Правалінскі (3 верасня 1948, Орша, Віцебская вобласць) — беларускі спявак. Народны артыст Беларусі (2021).
Знакаміты выканавец хітоў савецкага часу, стаў вядомым дзякуючы песні Ігара Лучанка «Салаўі Хатыні» на Усесаюзным фестывалі моладзі і студэнтаў.
Член грамадскага аб’яднання «Беларускі саюз музычных дзеячаў».
Нарадзіўся 3 верасня 1948 года ў Оршы.
У юнацтве займаўся боксам, уваходзіў у склад зборнай каманды Беларусі па боксе. Паралельна запісаўся ў харавы ансамбль «Юнацтва» пры кансерваторыі, стаў лаўрэатам Усесаюзнага тэлівізійнага конкурса «Таварыш песня»[1].