Уладзімір Львовіч Хмурыч[1] (1 снежня 1957, Альмецьеўск, РСФСР — 22 кастрычніка 2004) — беларускі танцоўшчык. Заслужаны артыст Беларусі (1992).
Скончыў Варашылаўградскае культурна-асветніцкае вучылішча ў 1975 годзе. З 1978 года артыст балета ансамбляў песні і танца Паўднёвай групы войск (Венгрыя, з 1983 года Беларускай ваеннай акругі з 1988 года Паўночнай групы войск (Польшча), у 1992—2000 гадах Узброенных Сіл Рэспублікі Беларусь. Выконваў сола ў многіх харэаграфічных пастаноўках («Брэсцкая крэпасць», «Беларуская рапсодыя», «Вяселле ў Малінаўцы», «Кадрыль» і інш.).