У Вікіпедыі ёсць артыкулы пра іншых асоб з прозвішчам Кузьмін. Уладзімір Артуравіч Кузьмін (нар. 4 лістапада 1959, г. Мінск) — беларускі архітэктар.
Скончыў у 1982 годзе архітэктурны факультэт БПІ. У 1982—1993 гадах працаваў ва УП «Мінскпраект», у 1993-97 гадах у Творчай майстэрні Левіна Л. М., у 1997—2012 гадах галоўны архітэктар праектаў у ТАА «ГлобалСтрой», з 2013 года працуе індывідуальным прадпрымальнікам.
Член Беларускага саюза архітэктараў з 1987 года.
Гран-пры агляду творчасці маладых архітэктараў СА БССР, дыплом I ступені Рэспубліканскага агляду-конкурсу на лепшы архітэктурны твор за праект «Вытокі» (1989), лаўрэат Усесаюзнага агляду лепшых архітэктурных твораў за «Рэканструкцыю бісквітнай фабрыкі ў Мінску» (1989), за праект «Дзіцячы цэнтр у Анапе» (1990). Узнагароджаны дыпломамі ў конкурсах на лепшы дызайн інтэр’ераў (2000-13).