У Вікіпедыі ёсць артыкулы пра іншых асоб з прозвішчам Котаў.
Уладзімір Андрэевіч Котаў (нар. 21 лютага 1958, Доўжа, Віцебская вобласць) — лёгкаатлет, прафесійны бягун, займаецца бегам на доўгія дыстанцыі. Майстар спорту міжнароднага класа.
Нарадзіўся ў вёсцы Доўжа Віцебскага раёна. 25 мая 1980 года на чэмпіянаце СССР ён устанавіў рэкорд у 02:10:58, за якія прабег 42 кіламетры. На Алімпійскіх гульнях 1980 года заняў 4-е месца ў марафоне.
Пераможца марафону ў Эйндхавене (1991), Бялградзе (1995); паўднёваафрыканскага марафону «The Comrades» (2000, 2002, 2004), маршрут якога складае 87 кіламетраў па гарыстай мясцовасці.